एकटा गेला, परंतू पावले सोडून गेला!
एक हमरस्ता जगाला, काल तो देऊन गेला!!

 

आजही गझलेत त्याच्या केवढे चैतन्य आहे!
वाटते गझलेवरी तो, प्राण ओवाळून गेला!!

 

शेर आहे की, सुभाषित; आज त्यांना बोध झाला;
काल त्याला मात्र, जो तो, टोमणे मारून गेला!

 

हा नव्हे एल्गार! ही तर, एक गझलांचीच गीता!
आज जो तो बोलतो जे, काल तो बोलून गेला!!

 

ठेवल्या मागेच त्याने स्पंदणा-या सर्व गझला!
टोमणे, टीका, टवाळी, सर्व तो घेऊन गेला!!

 

 

 

-------प्रा.सतीश देवपूरकर

Powered by Froala Editor