मतल्याची प्रेरणा नीलेश कवडे यांची
*********************************************************

 

 

निवडणूकीचिया नेते तयारीला.....
निघाले की, म्हणावे ते शिकारीला?

 

मतांसाठीच ते करतात लाचारी........
म्हणावे काय या त्यांच्या हुशारीला?

 

उफाळोनी उमाळा, कळवळा आला......
पहा त्यांच्या दिलाशांच्या कट्यारीला!

 

उभे आयुष्य कर्जाऊच हे माझे.......
न कुठलीही उरे सीमा उधारीला!

 

पहा...महिलादिनाला केवढी इज्जत!
किती देतात ते सन्मान नारीला!!

 

विषाची झिंग ही मुलुखाहुनी न्यारी!
न कुठली योग्य उपमा या खुमारीला!!

 

जरी तो विठ्ठलाला एरव्ही विसरे......
न चुकता लावतो वर्णीच वारीला!

 

 

 

-------प्रा.सतीश देवपूरकर

 

Powered by Froala Editor