पाअडी कबता

{अपणा छैल म्हाचल}

पाअडं़ा ,बणांच बसदा अपणां म्हाचल ,वणंदा कुदरता दे रंगां कन्नै

कुम्मणां कजो जांणा असां बगानडे़ देसां ,कोई तोड़ नी इथ्थु दे कुदरतां रे नजारेयां कन्नैं ।

डुगडे- डुगडे नालु कन्नैं उच्चड़े कुआलु ,छैल वणंदे रूखडुयां बुटटेयाँ कन्नैं

चिट्टे- चिट्टे बद्दल तिंजा रूआं रें फोहे, लगदा ईंआ पाअड़ इंना कन्नैं छोद्दे

बर्फा कन्नैं टकोओ पाअड़ लगदे मते छैल, माहणुया रे मनांच मुक्कांदे बैर,

चानणीयांच लिछकदी बर्फ, तिंजा चादीयाँ री चादर माहणु दिखणां औंदे चाएं कन्नै

कुम्मणां कजो जांणा असां बगानडे़ देसां ,कोई तोड़ नी इथ्थु दे कुदरतां रे नजारेयां कन्नैं।।

सैलीयंा सैंलीयंा धाअरा मोर पाल्लां पांद,े तितर बटेर नच्चदे गांदे

चिड़डु पखेरू चैं-चंैं पांदे ,उड़दे किट्ठे उड़ारी मणांई कन्नैं ।

लम्मे- लम्मे चींलां ,ध्यारां रे रूखां देयां पतरांच ,सूरज खेलदा लुक लकाड़ा

बणांच पंाती पांती रे फुल खिड़दे , मते छैल लगदे पआड़ अणमुक रंगा कन्नैं

कुम्मणां कजो जांणा असां बगानडे़ देसां ,कोई तोड़ नी इथ्थु दे कुदरतां रे नजारेयां कन्नैं।।

चप्पे चप्पे पर सन्दूरी लुब्बदा जालु निकलदा सूरज, न्होतेया तिजां संदूरे कन्नैं

थांई थंाई बस्सेयो देवते ,उचैयां पहाडं़ा कणेयां बणां विच प्रकटे

माहणुया छैल मंदर बणाए, आस्था विश्वासां कन्नैं

तांई म्हाचलां जो देवभूमि गलांदे ,अप्पीयो पआडीए गलादे मते चाए कन्नैं

इतणीं छैल ध्रत कणक,छलियां, चैअल जौं ,उगांदे माह्णु अप्पणीयां मिणतंा कन्नैं।

दाअली ,तिल ,संरू ,अलसी उगांदे ,पांती पांती रियां सबजियां उगांदे

अणमुक फअल- फरूट , सुके मेओय ,गरम मसाले

बथेरीयां देसी चीजां उगांदे बमारीयां नठांदे जड़ी- बूटियां, काडुयां कन्नैं

देई बँाकी ध्रती कुदरता रे नजारे ,दिलडु गलांदा रेई- रेई नी रज्जां

अपणे म्हाचले रियां सिफतां लिखि लिखि नी मुकदीयां, इक्का कबताच किजां लिखां ।।

सुषमा देवी

गॅाव व डाॅकघर भरमाड़

तहसील ज्वाली जिला काँगडा

हिÛ प्रÛ।

Powered by Froala Editor