बडे़ आद औंदे मिज़ो सैह, बचपने रे ध्याडे़

लगदे थे किन्नै बाँके सैह, बच्चपनी नज़ारे

लम्मीयाँ बड़ीयाँ हुदीयाँ थियाँ, स्याले दिया रंाता

गिðे आल बैठीके, गलांदे थे गल्लां -वातां

भुनदे थे छलियाँ, खांदे रल्ली -मिल्ली सारे

बडे़ मिðे लगदे थे, छल्लियाँ रे रोड

दिलां च हुन्दा नी था ,कोई खोट

बडे आद औंदे मिजो सैह, बचपने रे ध्याडे़

लगदे थे किन्नै बाँके सैह, बच्चपनी नज़ारे

 

न सौणे री चिणता, न उठणे री तौल

कमे कमाणे रा, नी हुन्दा था ज़ोर

दिन चड़े उठणां, ना हथ्थ मुह धौणां

जाई अम्मा ढक्के, चुल्ले आल बौणां

सैह अम्मा दा मेरा ,हथ्थ मुँह धैाआणा

कन्नै प्यारे ने मिज़ो ,सराई दुध प्याणा

तुड़केया बत सैह, दही ए कन्नैं खाणा

आद औंदे मिज़ो सैह, बचपने ध्याडे़

लगदे थे किन्नै बाँके सैह, बच्चपनी नज़ारे

 

 

गा्रं दे न्याणेआ कन्नै ,मिली खेल पाणा

छुप्पन- छुप्पाई ,पकड़ -पकड़ाई ,स्टापू कन्नै गिट्टे

बडे़ याद औंदे सैह, सावण दे छिट्टे

पाणीए रे खेल कन्नै कागजी नाव

खरे बाँके हुन्दे थे तालु माह्रणुआ दे स्वाभाव

बडे़ आद औंदे मिज़ो सैह बचपने रे ध्याडे़

लगदे थे किन्नै बाँके सैह बच्चपनी नज़ारे

 

सुषमा देवी

 

 

Powered by Froala Editor