हर कम्मे च चतन रैंहदियां ग्रांयें दिया जणासाँ़

कुक्कड़ वाँगा कन्नै उठी वैंहन्दीयाँ

न्होई धोई देवी देवतेया पूजण

करदीयां व्रतां रोज़ मन्दिरा जांदीयाँ

सारा दिन कम्म कम्ंमादियाँँ

पूरे घरे च सोताँ लांदियाँ

कूडे़ चुक्की छैल घर वणांदियाँ

चाह चाह घर आँगण सजादियाँ

पल पर नी वेलियाँ रैहदियाँ

चैंकेए वेई रसोई वणांदियाँ

कुल देवतेयां जो भोग लगादियाँ

न्याणेयां स्याणेयां पहले खुयांदियाँ

तंा सैह अप्पु खाणां खंादियाँ

सिलाई कढ़ाई बुणाई करदीयाँ

डंगरेयां पालण घा पाणी पाँदीयाँ

घा लेणां धारा जांदीयाँ

पाल्ली गाई म्हई दुध

टब्बरे ओ पिआंदीयाँ

भेड़ा चारण ऊन कतण

खेत्र च ज़ाई कम्म कम्मादियाँ

अप्पु पढ़ण , न्याणेयां पढ़ादीयाँ

करण नौकरीयाँ कन्नै घरे सम्भाणदियाँ

अपणीयाँ हिफाजतां तांई दुर्गा वणी जांदीयाँ

लक्ष्मी वणी घरां च सुखां लांदीयाँ

 

सुषमा देवी

 

 

 

Powered by Froala Editor