पाअडी कबता

“कितणां खरा हुन्दा”

अप्पु अपणे कन्नैं टैम्म वतांदे, कन्नैं अप्पु अपणें आपेओ पछांणदे

बखरे बोंदे किलिया थांई, अपणीयां करतुतां तांई सार कड़दे

ओरनां सधेरनेओं मता किछ किता, नुकता चिनीयां कड़ियां

सब्बो अपणीयां- अपणीयां खामियां निकाअलदे तां कितणां खरा हुन्दा ।

मुकाईता खरा टैम्म ,अपणीयां देई ,मता छैल बणांणे ओ

पंाती- पांती रे साबण क्रीमा, कन्नै फेसियर करवांणे ओ

कदी ईसा रूआ जा,े परमातमे त्याणें लांदे रूह परमातमे रे ,

नांअ कन्नैं लिछकदी, तंा लालीमा चेअरे पर ओंदी, मता खरा हुन्दा ।।

बतेरियां हन्डी लेईयां थांई , मती मौज लुटी लेई

कदी मऊ- ब्बे जो ,तिनांदी रूहा री थां हन्डाई हुन्दी

अणमुक लैटां लाईके, लौ अपणें घरे मती करीलेई,

कदी कुसदी टुटदी आस, पूरी करी जीणे री आस

दिलडुए जगाई हुन्दी ,कितणा छैल हुन्दा ।।

सैअत जोड़िदयां मंखियां मेणत मती करदीयां

अपु नी खांदीयां सब्बो जणे खांदे

देई मेणत कन्नैं मिठास अहां अपणीयां मेहणत ,पाखा

कन्नै दिलडुए तांई वरतें तां कितणां खरा हुन्दा ।

पक्की आंदे फअल तां ,निअठे ओई आंदे डाअलु

फलेओ रूखेओ बट्टे मारगे ,तांमी हांजो

सैह् मिठ्ठे फअल दींदे, अप्पु केदी आस नी रखदे

अहां किसदा खरा करद,े कन्नै अप्पणीयां

कमाई रा किछ हेस्सा जरूरत मंदाओ दिंदे तां कितणां छैल हुन्दा।।

Û सुषमा देवी

गँाव व डाॅकघर भरमाड़

तहसील ज्वाली जिला कागँडा

हिÛ प्रÛ 176021

Powered by Froala Editor