छैल,सुचड़ी, जिंदड़ी पाईओ माह्णुए

लियांकता पेया, गवांदा माह्णु

मती धमाल, मचांदा माह्णु

रोज़- ध्याडे़, पठंग वणांदा माह्णु

पुठ्ठे कम्म, कमांदा माह्णु

अप्पीयो खरा, गलांदा माह्णु

अपणे च, इतणा खोई रेया

अप्पीे भगवाण, वणी बैन्दा माह्णु

पैसे पिच्छे, पागल ओया

अपणी पछाण, गवांदा माह्णु

निक्कियाँँँ- निक्कियाँ, गलां पिच्छे

बखेड़े पैया, पोआंदा माह्णु

डिग्गी गेेया, अपणे कर्मां पिच्छे

कुकर्मा विच, दस्सेया माह्णु

रिश्ते- नाते करीते, चकणांचूर

ओच्छे कम्म, कमांदा माह्णु

माहणु दे बाँके चोलेओ

लाणसण पैया, लगांदा माहणु

रब्ब देखी पछतांदा ऊणा

ऐदे कम्म कमांदा माह्णु

 

 

 

सुषमा देवी

Powered by Froala Editor