पाअड़ी कबता

øपछांण, तमीज़ ,गड़स, हैंकड़ी}

स्याणे गलांदे अति केअदी भी खरी नी हुन्दी

पौंवें सैह् पैसे री ओवे, या गलांणे बोलणे दी

बड़ेयां कन्नैं गलांणे रे तरीके ते पछांण हुंदी

कि तुहांजो तमीज़ कितणीए।



न्याणेयां कन्नैं गलाणे ते पता लगदा कि

अहांयो कियां पालेया- पोखेया

सैह वाहवाई कैत लैंणी, जेअड़ी

अपणेयां ओ ठगी करी मिअले ।।



वाहवाही पचांय लुकेया चूअठ ,

कन्नैं चुगली मेंजरे पचांय लुकेचया सच्च

जिनी जांअणी लेया

तिन्नी इसा दुनीयां जो पछांणी लेया ।



गलाणें बोलणे ते पैअले अपणेयां शब्दांच

गड़स हुणां खराए अवाज़च नी

फुल खिड़णें तांई बरखा रा हुणां जरूरीए

वाढ़ रा नी ।।



माहणु निक्कि -निक्कि तंगीच उणे पर गलांदा, परमातमा कुथ्थुए

पर ओ माहणुआं जो कदी नी गलांदा, तुहां माहणु हन्न कन्नी

जाहलु माहणु पीड़ कन्नैं कौअड़ी गल सेहणां सिखिले।

तां बुजी लेया तिसियो जीणां आईएया



दुनियाच सब्बो किछ लुभदा,

हैन्नी लुभदी तां अपणी गलती

ईंयां तां पाप बुरा हुन्दा, पर,

मता बुरी हुन्दी पुण्यरी हैंकड़ी।।



Ûसुषमा देवी

गँाव व डाॅकघर भरमाड़

तहसील ज्वाली जिला कँागड़ा

हिÛ प्रÛ

Powered by Froala Editor