कितणे बाँके लगदे, निक्के- निक्के न्याणे

छैल- छैल गल्लां करदे मते लगदे स्यांणे

कितणां छैल हुन्दाए्, बचपण न्यारा

कुसीयो हैंन्नी मिलदा जिंदडी, मुड़ीके दुव्वारा

तितलीयाँ पिछें नठदे, अपणे छौंअटे कन्नैं खेलदे

अड़ी पूरी नी ओवेतां ,लम्मे पेई तरती पर रेलदे

अम्मा पौंवे थपडे़, तांमी तिहा बनेयो नठदे

न्याणेयां दिखी दिलडु सबणां रे हस्सदे

मती तमाल मचांदे न्याणे, सुणदे जराक गल नी

पूरी ध्याड़ीया खेलदे रेंहन्दे , थकदे, सौंदे, पलपर नी

इनां दिखी याद ओंदे दिन अपणे पुरांणे

दिलडु गलांदा बणीए मुडीके न्याणे

सुषमा देवीÛ

गाँव व डाॅकघर भरमाड़

तहसील ज्वाली जिला काँगड़ा

हिÛ प्रÛ

Powered by Froala Editor