Ûपाअड़ी काअणीÛ

ø सिद्व पीठ जय बाबा क्यालु जी माअराज़}

ईयां तां सब्बो माहणु जाणदे अपणी म्हाचले री थांअ देवी देवतेयां कन्नैं गुरूयां पीरां फकीरां री हैए। इथ्थु चप्पे- चप्पे पर अहांदे देवते बस्सदे, तांई अपणे म्हाचलेयो सब्बो जणे देव भूमि रे नांअ कन्नैं जाण दे पछाणे। देई इक थांअ एह ़श्री बाबा क्यालु पीर जी माअराज री सच्ची सुच्चड़ी थांअ गंगथ (भांड्या आला शेअर) जिथ्थु बाबाजी मुर्ती रूपे बैठेयो जिसा तांई सबणां रे दिलांच मतीसाती डुग्गी आस्था बणीयो ।

माहणुआरी सुणीयां कन्नैं सुणांईआ काअणीयां पर जाणां ओवे तां बाबाजी राजेस्थांने ते अपणे म्हाचले रे कँागड़े जिलेरी उपतसीला गंगथ पुजे,जिथ्थु बअढ़ी ( वट) रूखे हेअठ अपणां तुणां मगाईता । दुई कांअणी ईयां नागां रे राजा गुग्गे पीरे री बरात जालु चली तां सिद्वनाथ गलांणा लगे कि काअले रंगे रा इक माहणु नी ओवे। जालु बारात बंगाल पुजी तालु बराती- घरेती अप्पुपिछे लड़ीपे पूरेअंायो नागां लपेटीलेया तां गुग्गापीर जी गलांणा लगे हांजो बाबा क्यालु कन्नैं अजियापालई छड़़ाई सकदे । सदणे पर जालु दोईओ बाबे ओथु पुजे तां अजियापाल बाबे तां बारात नागां ते छड़ाई लेई पर क्यालु बाबा जी ओ मता बट्ट कुलेया तिंना नागां रे तिन कुल मुक्काई दिते। जालु मुक्कदे वंशे री बारी आई तां गलांदे नाम्कुल राजे पूरीया जणता लेईके मन्नत किती तां बाबा जी तिनांयो बक्शी ता कन्नैं गलाया जिथ्थु मैं बस्सेयां जिदे चंाऊ चफेरे नागंारे मन्दर हुगें ।तंाई बाबा जी रे चोंई पासे नाग मन्दर हैं सैंह नागणी माता रा, शिव्वोस्थाण,अजियापाल ,गगापीर पावें कुसी भी नाग बाबे रा ,बाबा जी रा नांअ चरासी सिद्वपीठां कन्नैं नौ नाथंाच गणोंदा।अप्पु बाबा जी ईसां थांई( गंगथ) भक्तिीयाच लीण ओईगे कन्नैं बरात पेजीती।

ईयांता पूरे साल माहणु बाबाजी रे मन्दर चली रैंदे पर वसंत पंचमीयो बाबे रे मन्दरे मता बडा जग(लंगर ) लगदा अणमुक माहणु खाण्ंाा आंेदे पर कदी तरोट नी जांदी ज्येष्ठ मीअने 21,22,23 प्रविष्टे यो इथ्थु छिजं हुन्दी जेड़ी उत्तर भारत री सवणां ते बडी छिंज गणोंदी लखां रूपेईये कन्नैं लखां रूपेईयां री राशी रे बान्डे चिजां पलवांणाओ अनाम दिन्दें। चोंऊ बखेरे माहणु इथ्थु ओड़वा चडांदे कन्नैं आसां पुरीयां हुणे पर पीतलुरेेेेेेेेे बान्डे कन्नैं होर मतीयां चीजां चडांदे । बाबा जी मआराज मती बड़ी शक्तिए जेड़े भी माहणु सच्चीया सरदा कन्नैं औंदे तिनां रीआं मुरादा पक्का पूरीयां हुन्दीया। बाबा जी मआराज री शक्ति रा चमत्कार अहां ईयां दिखि सकदे कि बाबाजी बअढ़ी ( वट) रे रूखेआल जिथ्थु बैठेओ सैह निक्की देई थांए पर ओथु जालु छिंज कुलदी तां लखां री तदातच माहणु ओदे पर तिस्सा निक्की देईया थंाई सब्बो आइजांदे एह चमत्तकार हर साल हुन्दा। जयकारा श्री बाबा क्यालु पीर जी माअराज राज रा ।



सुषमा देवी

गँाव व डॅाकघर भरमाड़

तहसील ज्वाली जिला कँागड़ा

हिÛ प्रÛ