पाआड़ी कबता

“ {सीत मता चुब्बा दा}”

इतणी गाड़ी पेईयो धुन्घ, ध्याड़े किछ नी लुभ्भारा

हथ्थडु-. पल्लडु जंादे ठंण्डोई, देया सीतए चुब्बा दा

धुप्प भी गेई ठण्ड़ोेई, वद्दल सुरजे टक्का दा

बरखा मुई होआ री नी ,किसाण अम्बरे तक्का दा

स्याणे बैठेयो गिठ्ठुए टक्के, मुन्नु गिठ्ठुंए मगाई दे

स्याणेया मता सीत लगदा, छैल ,अग्ग वाअली दे

काहणीयां कथा कोई नी सुणदा, टीवीयां फोनां दिखा दे

न्याणेयां दिखणां कुथी नी जंाणा, मऊ- बब्बे ते सिख्खा दे।

स्याणेयां कन्नै परिवार बणदा ,घर भरोया लगदा जी

स्याणेयां रीया सअलाई कन्नैं, ओखा कम्म सरदा जी

जालु तक स्याणे बैठेयो उन्न ,जीणां अल्का लगदा जी

पाणी मता ठण्डा लगदा, चित हथ्थ लंाणेजो नी करदा जी

राती चांनणी मती चमकदी ,पाला मता चरदा जी

ब्यागा तड़के कुन्नी उठणां ,चित मुंए तोहणे तेे टअलदा जी

न्होणां पोवे तां दिलडु निमौंड़ा ,थर- थर पेई कम्मदा जी

वात मती ठण्डी चुलदी, लींका निकलदीयां देइ्र ते

इतणीयां लम्मीयां हुन्दीयां रातां ,हैन्नी मुक्कदीयां सेई के।।

Ûसुषमा देवी

गँाव व डाॅकघर भरमाड़

तहसील ज्वाली जिला कँागडा

हिÛ प्रÛ

Powered by Froala Editor