अप्पु सुधरा कनै औरनां सुधारा

अपणे धर्म रा मत वणा अखाड़ा

मत वणनां देया धर्म कमाणे रा जरीया

खरे- खरे माह्णुओं कम्म कमा

बाबे ,गुरू वणी जेड़े, वणेओ धर्म रे ठेकेदार

कमाई तांई जेड़े धर्म रा तमासा बणांदे

क्यो माह्णुओ,तुहां तिन्हा पिच्छे जांदे

अपणे धर्म कुलदेवतेआं री करा सेवा

स्याणेयां रा मान करी मिलदा मेवा

कदी मत कुदा दिलडु दुखा अप्पु समझा कनैऔरनां समझा..........

धर्म मजहब पिच्दे मत बन्ड़ोआ

मुकणां ईंया देश मियो होसा च ओआ

ईयर कंड़िशन गड़ियां च घुमदे जेड़े गुरू , बाबे

कियां सैह ठण्ड तुहाड़ीयां रूहां च पांगे

मंहगे कपड़े पादे फाईव स्टार होटलां रेहदें

सैह कियां जाणन माहणु किनै दुख सैंहदे

एैह गल अपणे खोपड़ी बिठा अप्पु समझा कनै औरनां समझा..........

रैंहदी जेहड़ी कसर साडे़ नेतेयां कीति पूरी

वोटां तांई वणांई जात पात इक्क धूरी

धर्म मजहब दे नां ते बन्ड़े भाई भाई

अपणे देसे अन्दर दीती खाई बणाई

देस नी बचाया तां कियां बणगाी सरकार

उना जुआनां ताई सोचा जेड़े जान देस

तांई गवान हथ्थ जोड़ी बोलदी मैं

सुणां इक्क बार अप्पु समझा कनै औरनां समझा..........

 

......सुषमा देवी

 

 

Powered by Froala Editor