चिक्कां दीयां कन्धा ,कन्नैं सेलटुआं दे छप्पर

छांदे तिन्हाओं घाह तिणकेयां, कन्नैं पांदे थे खप्परे

कच्चे घर हुंदे थे सैह पक्केयां घरां तो न्यारे

हरेओ- परओ हुंदे थे सैह, गा्रं च अपणे खे़़त्र

स्नेहा लेई ओंदे थे डाकिए, कन्नैं लेई चिठियां प़़त्र

इक्कठे होई जांदे थे, ओथु आणे -सयाणे

परांणीयां गल्लां उण कुण जाणे..............................

 

इक्की दुए कन्नै अपणा दुखड़ा लगाणां

तड़के उठी कम्मांदे थे़,मिल्ली गबरू सैह सारे

कुथी भी जांणा तां, पैदल सैह जाणा

विरलियां खिरलियाँ हुन्दीयाँ थियां मोटर बसां

कट्टदे थे राह सैह, लाई गप्पां छप्पां

कच्चीयाँ हुंदीयाँ थियां गोहरां कन्नै बतां

बतां पाणे आले हुदें थे सैह सयांणे

हुणां देयां बगडै़ल कुन्नी मतां लाणे

परांणीयां गल्लां उण कुण जाणे..............................

 

माडे़यां माहणुआ उण कुण पणछाणे

दुए दे दुःखां उण कुण जाणे

दिखी मुँहुए फेरदे बडे माहणु उण

जिदे पल्ले दाणे ओदे कमले उण सयाणे

पैसेआं रूपेयां दे सैह जंजाल परांणे

परांणीयां गल्लां उण कुण जाणे............

सुषमा देवी

 

Powered by Froala Editor