व्हाट्स एप पिछे पागल फिरदी,दुनिया दिखा सारी

अग्गे बीमारीयां घट थियां,जेहड़ी लोंदी नोई बिमारी

मोबाईल कैं घट था,लेई अन्दी नैट, व्हाट्स एप

न्याणे, स्याणेया तो दूर करीते,वणेया रिस्तेयां च गैप

कमाणे ओ दिलड़ु नी गलादां, होईगे सारे विजि

हथ्ड़ुए लेया फोन फोरजी,पोवें लाणा पवे दियाड़ी

मोबाईल पिछे पागल फिरदी,दुनिया दिखा सारी .............

बगैर मोबाईले खरे थे,लगांदे थे गप्प गूड़ी

उण तां टक्के बैणे ते भी, गल हैनी हुन्दी पूरी

हैड फोन कनां कनैं लाओ,गल कुदी नी सुणेदी

अम्मा बेचारी मुन्नु मुन्नु करदी रैहन्दी

बापू गलांदा मन्नु नैटे च पढदा ,कयो पिछे पैन्दी

मोबाईल पिछे पागल फिरदी,दुनिया दिखा सारी .............

गलांदे जी अहां मते व्यस्त, टैम्म नी लगदा जरा भी

व्हाट्स एप पर लगेयो ढीठ,कुण दे इनां ओ सीख

मोबाईल दा मेयो सरूर बुरा, अती केदी भी नी हुन्दी खरी

हद तो ज्यादा लगेयो, व्हाट्स एप पर

रिष्ते नातेया च बढ़ एई दूरी,नी मुकणां दैंणी बैटरी प्यारी

अनेयां होई आणा अपणीयां निता, कुसीयो दसणी बिमारी

व्हाट्स एप पिछे पागल फिरदी,दुनिया दिखा सारी ..................

 

 

 

सुषमा देवी

Powered by Froala Editor