असेच आहो , सुखांशी भांडतो आम्ही
दुखांच्या घरात सुखाने नांदतो आम्ही !!

 

सुख आम्हा जड जाते मानवत नाही
दु:ख हे आपुलकीचे जाणतो आम्ही !!

 

काय असा मोठा फरक सुखात दु:खात
एक कधी दिसेना एकाच्या दारी आम्ही !!

 

रुसवे फुगवे मोह माया संपणार नाही
तरी बघा त्याच दारी संपणार आम्ही !!

 

वेड मिटण्याचे,मिटवून बनविण्याचे
कुणासाठी देहाचा पुतळा झालो आम्ही ?

 

शिडी न रांग , वैकुंठाचे दार बंद
प्रारब्धाबरोबर सतत धावतो आम्ही !!

 

-------------------------------
विश्वनाथ शिरढोणकर

Powered by Froala Editor